Balerina e njohur shqiptare Klaudia Pepa ka qenë në qendër të vëmendjes pas rikthimit në Shqipëri pak ditë më parë për të prezantuar Këngën Magjike. Gjithë vëmendja e publikur ka qenë të ndonjë përballje e mundshme që mund të ndodhte mes Klaudias dhe ish-bashkëshortit të saj, koreografit Albi Nako.
Dhe mesa duket kjo përballje ka ndodhur! Në një intervistë dhënë për emisionin “Thumb” Klaudia është pyetur nëse është shkëmbyer koridoreve me ish-bashkëshortin e saj Albi Nakon dhe a kanë folur me njëri tjetrin? Balerina ka pranuar se ajo është shkëmbyer me Albin duke thënë: “Para disa ditësh ishte me trupën e baletit…me Albën. Erdhën të gjithë të më takonin. Erdhi dhe Albi dhe Alba. U treguan shumë të mirë…dhe unë i putha i përqafova” është përgjigjur Klaudia ndonëse nuk dihet nëse kjo përgjigje është ironike apo e sinqertë.
Kujtojmë se pas ndarjes nga balerina Klaudia Pepa, Albi përflitet të jetë përfshirë në një histori dashurie me Alba Hoxhën, po balerinë e trupës së tij të baletit.
