Petrit Vasili ka pranuar “padashje”, se mandatet e deputetit, opozita i dogji jo vetëm për blerjen e votave, siç pretendojnë, por edhe për shkak të reformës në drejtësi.
Vasili thotë se ata i dogjën mandatet, pasi ky Parlament nuk mund të votojë ngritjen e strukturave të drejtësisë.
“Djegia e mandateve ishte rruga e vetme, zgjidhja e vetme dhe reagim i vetem perballe nje demokracie, qe shkaterrohet e rrënohet dhe nje shteti, qe kapet e asgjesohet nga rilindja si produkt kriminal i provuar i zgjedhjeve te kriminalizuara.
Kjo republike dhe ky parlament i kalbur, qe qelbet era krim s’mund te pjelle vecse drejtesi te kapur dhe mundesi zero per nje reforme ne drejtesi te paanshme politikisht, por edhe per cdo reforme tjeter qofte kjo ekonomike e shoqerore.
Cdo iluzion per nje zbatim te drejte dhe te paanshem te reformes ne drejtesi apo edhe i cdo reforme tjeter eshte thjesht nje iluzion i rreme, i paqene dhe jashte realitetit ne rastin me te mire.
Pas bllokimit nga rilindja te cdo mekanizmi parlamentar per te futur serish reformen ne drejtesi ne dimensionin kushtetues te 21-22 korrikut 2016 dhe refuzimit arrogant ne parlament nga rilindja te paketes se ndryshimeve per reformen ne drejtesi te paraëitur nga opozita, perfundimisht u asgjesua cdo mundesi institucionale e shpetimit te reformes ne drejtesi nga kapja.
Dhe denoncimet e perditshme te nje Vetingu ne drejtesi me dy standarte si dhe mbushja e KLP dhe KLGJ me njerez me rekorde te erreta te kontestuara edhe nga vete nderkombetaret e Operacionit Nderkombetar te Monitorimit te reformes ne drejtesi shuajne cdo iluzion te te ashtuquajtures “drejtesi te re” dhe provojne qarte se kapja nga rilindja eshte bere kanceri, qe po ha shtetin.
Nje maxhorance, qe shkaterron te gjitha mekanizmat e kontrollit demokratik dhe qytetar mund te perballet vetem me mekanizmat asimetrike shume te forta te qendreses politiko qytetare pa kthim”, shkruan ai, duke treguar kështu, shkakun real të djegies së mandateve.
