Kur kishte mundësinë më të mirë për t’u shkëputur në krye dhe deri diku për t’i dhënë fund çështjes titull, Bajern Mynihu ka gabuar duke u ndalur në barazim 1-1 ndaj Nurnbergut në transfertë.
Bavarezët kanë vuajtur jo pak në këtë takim, pasi gjëra mund të kishin shkuar më keq nëse në minutën e fundit të takimi, vendasit do të konvertonin në gol një penallti të humbur.
Në minutën e 48, Pereira ka kaluar skuadrën e tij në avantazh me anë të një supergoli ndërkohë që me një supergol i është përgjigjur edhe Gnabri në minutën e 75 të takimit.
Në minutën e fundit, Libold ka humbur mundësinë më të mirë të takimit, pasi ka humbur një penallti të ndalur në shtyllë.
Ky rezultat, e mban Nurnbergun në vendin e parafundit në klasifikim ndërkohë që Bajerni e sheh veten me vetëm 2 pikë më shumë se Borusia Dortmundi.
Kujtojmë që verdhezinjtë u mundën ditën e djeshme në derbi ndaj Shalkes me rezultatin 2-4.
