Anxhela Peristeri ka shumë vite në skenë dhe është një ndër këngëtaret live më të pëlqyera nga publiku.
Nëse hedhim sytë në karrierën e hershme të këngëtares do të shohim se edhe pse koha kalon ajo mbetet e njejta sidomos përsa i përket vokalit.
Madje shepsh herë fansat ja kanë vënë dhe në dukje se sa më shumë vitet kalojnë aq më shumë ajo rinohet.
Siç duket dhe nga postimi i këngëtares asaj nuk i pëlqen shumë dhe ka një përgjigje për të gjithë ato që i thonë se sa vjen e rinohet.
Në një postim në Instagram ajo pa kompleks ka treguar moshën e saj që askush të mos ngatërrohët më.
“Për të gjithë ata që më shkruajnë sa vjen e rinohesh ose që ngatërrohen me moshën time për shkak të viteve të shumta në skenë jam 33 vjeçe dhe as jam rinuar e as jam plakur, jam thjesht në lule të moshës. Ju dua shumë!”, ka shkruar Anxhela në ‘Instagram’.
Kujtojmë se së fundmi Anxhela ka publikuar këngën “Maraz”, që u prit shumë mirë nga fansat e saj.
