Sekretari për Marrëdhëniet me Median në PS, Alfred Peza bën ironi me dekretin e ri të Presidentit Ilir Meta për datën e zgjedhjeve më 13 tetor.
Peza thotë se kreu i bashkisë së Kamzës bëri “bingo” duke fituar bastin për zgjedhjet në tetor, megjithëse kreu i shtetit u mendua plot dy javë për të ndryshuar vetëm me një javë datën që i caktoi Xhelalin.
Postimi i plotë i Pezës:
Xhelal Mziu fiton “bingon”: Zgjedhjet më 13 Tetor???
Kryetari i Opozitës së Rrugës, nuk e zhgënjeu Kryetarin e Bashkisë së Kamzës i cili kishte deklaruar më 13 Qershor, se 20 Tetori 2019, do të jetë data e zgjedhjeve të reja lokale.
Ilir Meta u mendua plot dy javë, për ta ndryshuar vetëm me një javë, datën që i caktoi Xhelali.
Meqë janë mbyllur lojrat e fatit, kjo mund të ketë ndikuar edhe tek humbja e reflekseve për ti rënë në kokë datës që firmosi sot udhëheqësi i madh i revolucionit të rrugës.
Ndaj, besoj se nuk i mbetet hatri asnjërit, që skedinën e sotme, ta fitojë Xhelal Mziu.
“Viva la revolucion”!
