Matthijs de Ligt ka filluar trajnimin para sezonal me Ajaxin.
Ditët e fundit agjenti Mino Raiola po negocion për të transferuar klientin e tij drejt Juventusit që ka pranuar të paguajë plot 70 milionë euro për kartonin e talentit holandez.
De Ligt është në gjendje të mirë shpirtërore në stërvitjet e tij me shokët e Ajaxit, për herë të parë që nga fundi i sezonit të kaluar.
Ndërkohë, gazetari Romeo Agresti nga “Goal” shkruan se Bianconerët po ‘shtyjnë’ të finalizojnë një marrëveshje brenda kësaj jave.
19-vjeçari thuhet se ka pranuar një rrogë fillestare prej nëntë milionë eurosh.
